Tawi-Tawi – Nagsagawa ng Community Outreach Program ang mga miyembro ng Philippine National Police Academy Alumni Association Incorporated (LAKAN TAWI -TAWI) sa mga batang Badjao sa Brgy. Poblacion, Bongao, Tawi – Tawi nito lamang ika-9 ng Disyembre 2022.
Ang naturang aktibidad ay pinangunahan ni Police Colonel Ronaldo Fulo, Provincial Director ng Tawi-Tawi PPO mula sa inisyatibo ng Tawi-Tawi Provincial Mobile Force Company sa pamumuno ni Police Lieutenant Colonel Christian Joy Alqueza.
Naging benepisyaryo ng aktibidad ang 74 na mga estudyante ng Badjao Village Learning Center kabilang dito ang parlor games, gift giving, feeding program at pamamahagi ng loot bags.
Samantala, nagpapasalamat naman ang Tawi-Tawi PMFC kay Ester Guero, School Administrator at sa mga guro ng nasabing paaralan dahil sa pagsuporta sa naturang aktibidad.
Patunay lamang na ang mga ganitong uri ng aktibidad ay nagpapakita ng matatag na relasyon sa pagitan ng iba’t ibang sektor at ng Pambansang Pulisya ng Pilipinas tungo sa ikauunlad ng ating komunidad.
Panulat ni Patrolman Charlie Nasroden Corpuz
