Taytay, Rizal – Arestado ang isang lalaki na may kasong 5 Counts of Qualified Rape sa ikinasang manhunt charlie operation ng Daet PNP sa Purok 8, Dubai Street, Barangay Sta Ana, Taytay, Rizal nito lamang Huwebes, Disyembre 8, 2022.
Kinilala ni Police Lieutenant Colonel Arnel De Jesus, Chief of Police ng Daet Municipal Police Station, ang suspek na si alyas “Ian”, 34, binata, construction worker at residente ng nasabing lugar.
Ayon kay PLtCol De Jesus, naaresto ang akusado sa bisa ng Warrant of Arrest ng pinagsanib na tauhan ng Daet Municipal Police Station, Police Station 6, Batasan, QCPD at Taytay Municipal Police Station.
Ayon pa kay PLtCol De Jesus, limang ulit umano isinagawa ni alyas “Ian” ang panggagahasa sa kanyang step daughter.
Ang Pambansang Pulisya ay hindi titigil sa paghuli sa mga taong nagtatago sa batas lalung-lalo na sa mga taong yumurak at lumapastangan sa karapatan ng kababaihan.
Source: Camarines Norte PPO
