Davao City – Tinatayang aabot sa Php3,360,000 halaga ng hinihinalang shabu ang nasabat sa isinagawang buy-bust operation ng PNP sa Km. 7, Brgy. Tigatto, Davao City, noong Disyembre 8, 2022.
Kinilala ni Police Major Bernie Suaga, Station Commander ng Buhangin Police Station, ang suspek na si alyas “Paul”, 27, residente ng Cabantian, Davao City, na isang High Value Individual sa lungsod.
Ayon kay PMaj Suaga, naaresto ang suspek sa isinagawang buy-bust operation ng mga tauhan ng Station Drug Enforcement Team ng Buhangin PS kasama ang Regional Police Drug Enforment Unit 11 katuwang ang City Mobile Force Company at sa pakikipag-ugnayan sa PDEA XI.
Dagdag pa ni PMaj Suaga, nakuha mula sa suspek ang ilang pakete ng hinihinalang shabu na may bigat na humigit kumulang 210 gramo at may street market value na Php3,360,000 at marked money na ginamit sa operasyon.
Ang suspek ay nahaharap sa kasong paglabag sa Sec. 11 at Sec. 5 ng Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director, ang nasabing operasyon dahil sa matagumpay na pagkakadakip sa suspek at ang buong kapulisan ng PRO11 dahil sa pagsisikap na hulihin ang mga gumagawa ng ilegal sa lungsod na magdadala sa kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
