Isabela – Ginawaran ng Sertipiko ng Pagkilala ang Santa Maria Police Station mula sa Isabela Provincial Advisory Group na ginanap sa Isabela PPO Function Room, Camp Lt Rosauro D Toda Jr. Baligatan City, Isabela noong ika-7 ng Disyembre 2022.
Ginawaran ang nasabing himpilan dahil sa nakamit na pinakamataas na rating sa Unit Performance Evaluation Rating (UPER) at bilang huwaran sa mahusay na pagsagawa ng Simultaneous Anti-Criminality and Law Enforcement Operation (SACLEO) para sa buwan ng Oktubre 2022 bilang “Class C Municipality”.
Samantala, nakatanggap din ng parangal ang Hepe ng naturang himpilan na si Police Major Ericson Aniag sa husay at kasipagan sa pagsasagawa ng kampanya laban sa mga ilegal na gawain at pagpapanatili ng kaayusan at kapayapaan sa nasasakupan.
Si PSSg Genalyn E Cabauatan naman ng WCPD PNCO ay ginawaran ng Most Valuable Personnel.
Isa lamang ito sa mga patunay na ang kapulisan ay sadyang nakatuon sa tapat at totoong serbisyo upang makamit ang kaayusan at kapayapaan ng komunidad.
Source: Santa Maria PS
Panulat ni PSSg Jerlyn V Animos
