Naghandog ng maagang regalo ang Solana Police Station kaugnay sa Project BIBAR o Bisita sa Barangay sa Sitio Masin, Barangay Iraga, Solana, Cagayan noong Disyembre 7, 2022.
Ang aktibidad ay pinangunahan ni Police Major Darwin John Urani, Hepe ng Solana Police Station kasama ang kanyang mga tauhan na namahagi ng mga regalo at tsinelas sa mga Grade 1 at Grade 2 pupils at pati na rin sa mga guro ng Masin San Pablo Elementary School.
Naging katuwang ng mga kapulisan sa pamamahagi ng maagang regalo ang Itawit Cagayan Valley Eagles Club at PSFTP Class SANDATAG.
Labis ang saya ng mga naregaluhan lalo na ang mga bata dahil nakatanggap na sila ng maagang regalo para sa kapaskuhan.
Ang Pambansang Pulisya ay lagi ninyong kasama sa lahat ng panahon. Ang buong hanay ay magbabantay upang masiguro ang masaya, payapa at tahimik na selebrasyon ng kapaskuhan at may liwanag na pagsalubong sa bagong taon.
Source: Solana Police Station
Panulat ni Police Corporal Carla Mae P Canapi
