Tanay, Rizal – Nagsagawa ng Kapulisan, Simbahan at Pamayanan o KASIMBAYANAN at Community Outreach Program ang PNP Drug Enforcement Group, Regional Police Community Affairs and Development Unit 4A at Anti-Narcotics International Assistance Group (NARIAG) sa Brgy. Mamuyao, Tanay, Rizal nito lamang Miyerkules, ika-7 ng Disyembre 2022.
Ang aktibidad ay pinangunahan ng PNP Drug Enforcement Group sa pamumuno ni Police Master Sergeant Maria Lindsay Hermida, Chief Clerk at Anti-Narcotics International Assistance Group Incorporated (NARIAG) sa pamumuno ni Gng. Olga Maborrang katuwang ang Regional Police Community Affairs and Development Unit 4A, Tanay Municipal Police Station, VESPA Club/Tambike Cafe Parañaque, L2 Logistics Sons of Burns at Ligaya ni Cristo Taytay Chapter.
Namahagi ang mga grupo ng salita ng Diyos, food packs, laruan, pre-love clothes, libro at tsinelas sa mga estudyanteng Dumagat at mga residente ng naturang barangay.
Nagsagawa rin ng feeding program kung saan namahagi ng mainit na lugaw kasunod ng magic show na lalong nagbigay ng kasiyahan sa mga bata at manonood.
Ang ganitong aktibidad ay nagpapakita lamang ng malasakit at dedikasyon sa pagseserbisyo para sa mga mahihirap na mamamayan ng komunidad partikular sa mga kabataan ng ating lipunan.
Panulat ni PEMS Joe Peter Cabugon/RPCADU 4A
