Tabuk City, Kalinga- Nagsagawa ng Gift Giving at Feeding Program ang mga tauhan ng Kalinga Police Provincial Office sa Brgy. Bulanao Centro Tabuk City, Kalinga nito lamang ika-7 ng Disyembre 2022.
Ang aktibidad na ito ay bahagi ng selebrasyon ng anibersaryo ng Public Safety Basic Recruit Course Class 32-04 “Sanlahi” katuwang ang DAKARAN Cooperative.
Ang mga nasabing grupo ay namahagi ng maagang pamasko at nagbigay ng masustansyang pagkain sa mahigit 13 kabataan.
Ang aktibidad na ito ay nalalayong iparamdam sa mga kabataan ang diwa ng pasko sa pamamagitan ng pagbibigayan at pagmamahalan tungo sa pagkakaisa.
Patunay lamang ito na ang Pambansang Pulisya ay handang magserbisyo at magprotekta para sa maayos, mapayapa at maunlad na komunidad.
Source: Kalinga Police Provincial Office
