Palawan – Namahagi ng sariwang pechay ang isang personnel ng San Vicente Airport Police Station sa mga pasahero at empleyado sa San Vicente Airport, San Vicente, Palawan nito lamang umaga ng Martes, Disyembre 6, 2022.
Ang nasabing pechay ay itinanim mismo ni Pat Ryan Gonzales sa kanyang sariling bakuran.
Ayon pa dito, isa sa kanyang mga hilig at nakasanayang gawin ay ang pagtatanim ng mga gulayin na naglalayong maipamahagi ito sa komunidad.
Lubos naman ang pasasalamat ng mga naging benepisyaryo dahil sa sariwa at libreng gulay na kanilang natanggap.
Ang naturang aktibidad ay bilang pagsuporta sa patuloy na isinasagawang Community Outreach Program ng AVSEGROUP na isang hakbangin upang mapalakas ang ugnayan ng kapulisan at mamamayan.
