Pinagbuhatan, Pasig City – Nagsagawa ng Community Outreach Program ang mga estudyante ng Police Community Affairs and Development Course (PCADC) Class “Masikhay” 08-2022 mula sa pioneering Class ng Police Community Affairs and Development Group (PCADG), Camp Crame, Quezon City sa Pinagbuhatan Multi-Purpose Hall, Damayan, Pasig City nito lamang Martes, Disyembre 6, 2022.
Ang naturang aktibidad ay bahagi ng Community Immersion Program ng mga estudyante ng PCADC na binubuo ng 16 na Police Commissioned Officers at 34 na Police Non-Commissioned Officers.
Kabilang sa aktibidad na isinagawa ay ang lecture patungkol sa Anti- Criminality, Anti-Illegal Drugs, Republic Act 9262 o Violence Against Women and their Children Act of 2004 at KASIMBAYANAN o Kapulisan, Simbahan at Pamayanan Program.
Nagbigay din ng kulay ang pagpamalas ng angking talento sa pagkanta ni Police Master Sergeant Desiree Mae Anacan-Wouter, Vocalist ng PNP Combo Band.
Ang naturang aktibidad ay dinaluhan ng mga miyembro ng Pinagbuhatan Security Volunteers, Asilo Ram Riders Club, Police Hotline Movement Inc. (PHMI) at Barangay Officials.
Ang naturang aktibidad ay naglalayon na dagdagan ang kaalaman ng ating mga Advocacy Support Groups na katuwang sa pagpapanatili ng katahimikan at kaayusan sa komunidad.
Source: PCADC Class “Masikhay” 08-2022
Panulat ni Police Staff Sergeant Grace Neville Ortiz
