Davao City – Arestado ang isang lalaki sa isinagawang buy-bust operation ng Baliok PNP sa Morio-Morio Village, Barangay Talomo Proper, Davao City, noong Disyembre 5, 2022.
Kinilala ni Police Major Nelson Violan Jr., Acting Station Commander ng Baliok Police Station, ang suspek na si alyas “Sakyo”, 40, residente ng nasabing lugar na tinaguriang Top 1 Street Value Individual drug personality sa station level.
Ayon kay PMaj Violan, naaresto ang suspek sa isinagawang buy-bust operation ng mga tauhan ng Baliok PS.
Dagdag pa ni PMaj Violan, nakuha mula sa suspek ang ilang pakete ng hinihinalang shabu na may bigat na humigit kumulang 4.89 gramo na may street market value na Php68,460 at isang caliber .38 revolver.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Ang pagkakadakip sa suspek ay resulta ng patuloy na pagsisikap ng Police Regional Office 11 na gawing drug-free ang rehiyon onse sa pamamagitan ng pagtutulungan ng mamamayan at kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
