Quirino, Isablela – Arestado ang isang Wanted Person sa kasong paglabag sa RA 7610 o Child Abuse sa ikinasang Manhunt Charlie Operation ng Villasis Municipal Police Station sa Barangay Luna, Quirino, Isabela nito lamang Linggo, Disyembre 4, 2022.
Kinilala ni Police Major Glenn Dulay, Chief of Police ng Villasis Municipal Police Station, ang suspek na si alyas “Samuel”, 25, at residente ng Barangay Baluyot, Bautista, Pangasinan.
Ayon kay PMaj Dulay, ang suspek ay naaresto ng mga operatiba ng Villasis MPS katuwang ang Quirino Isabela Police Station ng PRO 2, Regional Intelligence Division ng Police Regional Office 1, at Provincial Intelligence Unit Pangasinan.
Ayon pa kay PMaj Dulay, naaresto ang suspek sa bisa ng Warrant of Arrest sa kasong paglabag sa RA 7610 o Anti-Child Abuse Law at walang rekomendadong piyansa.
Ang tagumpay ng Villasis PNP laban sa mga may pagkakasala sa batas ay bunga ng pinaigting na ugnayan at suporta ng mamamayan upang manatiling ligtas at maayos ang komunidad.
Panulat ni Patrolman Joshua Jimenez
