Caloocan City — Nagsagawa ng feeding program ang kapulisan ng 4th Mobile Force Company ng Regional Mobile Force Battalion ng NCRPO sa Robles St. Brgy 175, Camarin, Caloocan City nito lamang Linggo, Disyembre 4, 2022.
Ang aktibidad ay pinangunahan ni Police Captain Jeaneth Bulusan, Deputy Company Commander sa ilalim ng pangangasiwa ni Police Major Vilmer Miralles, 4th MFC Company Commander.
Naisakatuparan ang aktibidad sa pakikipagtulungan ng Barangay Peacekeeping Action Teams (BPATs) ng Camarin Chapter sa pamumuno ni Mr. Jonathan Bana-ag, BPAT Chairman.
Namahagi ang grupo ng mainit na champorado na pinilahan ng mga kabataan maging ng matatanda na residente ng nasabing barangay.
Ito ay naglalayong magbigay ng pag-asa sa komunidad sa pamamagitan ng pagbibigay ng mga pagkain na isa sa mga pangunahing pangangailangan ng bawat isa at palakasin pa ang ugnayan ng PNP at komunidad.
Source: RMFB NCRPO
Panulat ni PSSg Remelin M Gargantos
