Quezon – Arestado ang Top 8 Provincial Most Wanted Person sa kasong 2 Counts ng Act of Lasciviousness sa ikinasang operasyon ng Gen. Luna Municipal Police Station sa Brgy. 8 Poblacion, General Luna, Quezon nito lamang Linggo, ika-4 ng Disyembre, 2022.
Kinilala ni Police Colonel Ledon Monte, Provincial Director ng Quezon Police Provincial Office, ang suspek na si alyas “Tony”, 61, residente ng Brgy. 8 Poblacion, General Luna, Quezon.
Ayon kay PCol Monte, bandang 1:30 ng hapon naaresto ang suspek sa bisa ng Warrant of Arrest sa kasong 2 Counts ng Act of Lasciviousness na may rekomendadong piyansa na Php200,000.
Ang tagumpay ng operasyon ng Gen Luna PNP ay resulta ng isang pinaigting at aktibong pakikipag-ugnayan sa pamayanan sa pamamagitan ng Community Mobilization Program (CMP) at Barangay Intelligence Network (BIN).
Source: Quezon Police Provincial Office
Panulat ni PEMS Joe Peter Cabugon/RPCADU4A
