Cebu City – Nagsagawa ng Checkpoint of Joy ang mga tauhan ng Cebu City Police Station sa Camputhaw Poblacion, Cebu City nito lamang umaga ng Sabado, ika-3 ng Disyembre 2022.
Pinangunahan ng City Director ng Cebu City Police Office na si Police Colonel Ireneo Dalogdog ang naturang aktibidad na siyang nilahukan ng iba’t ibang istasyon ng Cebu City Police Office.
Aktibo rin itong sinuportahan ng iba’t ibang grupo ng Fraternal Order ng Eagles Philippine Central Visayas na pinamumunuan ng kanilang Regional Governor Jun Carillo ang kagandahang loob at pakikiisa sa naturang programa.
Dali-daling pinara ng mga naturang grupo ang mga driver na dumadaan sa nasabing lugar upang personal na iabot ang isang sako ng bigas at groceries na siyang labis na ikinagulat at ikinatuwa ng mga ito.
Inilunsad ang aktibidad bilang pagkilala sa dedikasyon, hirap at sakripisyo ng mga driver ng public utility vehicles ng Cebu City at hakbang upang maipabatid ang pagmamahal at pagkakaisa ng Kapulisan, Simbahan at Pamayanan na alinsunod sa Revitalized KASIMBAYANAN Program ng PNP na naglalayong mapanatili ang kaayusan, kapayapaan at kaunlaran ng bansa.
