Zamboanga City – Arestado ang isang babae sa isinagawang Oplan Pagtugis ng PNP Criminal Investigation and Detection Group 9 sa Camp Gen. Eduardo Batalla, JRT Lim Boulevard, Zamboanga City nito lamang Biyernes, Disyembre 2, 2022.
Kinilala ni Police Colonel John Francis Encinareal, Regional Chief, Criminal Investigation and Detection Group Mindanao Field Unit 9, ang naarestong suspek na si alyas “Che”, 44, residente ng El Familia Drive, Brgy. Tumaga Zamboanga City.
Ayon kay PCol Encinareal, bandang 9:30 ng umaga nang naaresto ang suspek sa naturang lugar ng mga operatiba ng Criminal Investigation and Detection Group Mindanao Field Unit 9 sa bisa ng Warrant of Arrest sa kasong 5 Counts of Qualified Theft na may inirekomendang piyansa na Php184,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
