Talisay, Camarines Norte – Arestado ng pulisya ang Rank 1 Municipal Most Wanted Person ng Talisay, Camarines Norte para sa kasong Rape sa Purok 1, Barangay Sto. Niño, Talisay, Camarines Norte nito lamang Biyernes, Disyembre 2, 2022.
Kinilala ni Police Major Conrado De Vera Jr., Chief of Police ng Talisay Municipal Police Station, ang akusado na si alyas “Dante”, 31, binata, drayber at residente ng Purok 7, Barangay Poblacion II, Vinzons, Camarines Norte.
Ayon kay PMaj De Vera Jr, naaresto ang akusado sa bisa ng Warrant of Arrest para sa kasong Rape through Sexual Assault ng pinagsanib na tauhan ng Talisay Municipal Police Station at Vinzons Municipal Police Station at may rekomendadong piyansa na Php200,000 para sa kanyang pansamantalang kalayaan.
Ayon pa kay PMaj De Vera Jr, naganap ang pangmomolestya noong July 16, 2022 sa Purok 3, Barangay Del Carmen, Talisay, Camarines Norte kung saan ang biktima ay kasintahan umano ng kaibigan ng akusado.
Ang Pambansang Pulisya ay patuloy sa pagtugis sa mga taong nagtatago sa batas lalo na sa mga ganitong klase ng krimen.
Source: Talisay MPS
