San Fernando City, Pampanga – Nagsagawa ng Ceremonial Lighting ang Police Regional Office 3 sa Camp Captain Julian Olivas City ng San Fernando, Pampanga nito lamang Huwebes, ika-1 ng Disyembre 2022.
Nagkaroon ng Ceremonial Lighting ng Christmas tree, makukulay na parol at fireworks display sa ilalim ng pamumuno ni Police Brigadier General Cesar Pasiwen, Regional Director ng Police Regional Office 3 kasama sina Police Colonel Jay Cumigad, Deputy Regional Director for Operation, Police Colonel Lawrence Cajipe, Chief Regional Staff ng Police Regional Office 3.
Nagkaisa ang bawat himpilan ng pulisya ng Central Luzon sa malikhaing paggawa ng mga kumikinang na parol.
Ang Pambansang Pulisya ay patuloy sa pagbabantay at pagsisiguro ng kaayusan at katahimikan sa ating komunidad upang magdiwang ang mamamayan ng kapaskuhan na dala ay pag-asa sa sambayanan.
Panulat ni Police Corporal Jeselle Rivera/RPCADU 3
