Canlubang, Laguna – Arestado ang isang construction worker sa kasong Rape sa ikinasang Manhunt Charlie ng mga awtoridad sa Zone 5 Melody Plains Subd. Brgy. Muzon, San Jose Del Monte, Bulacan nito lamang Miyerkules, Nobyembre 30, 2022.
Kinilala ni Police Colonel Ledon Monte, Provincial Director ng Quezon Police Provincial Office, ang suspek na si alyas “Fredo”, 66, construction worker, residente ng Zone 5 Melody Plains Subd. Brgy. Muzon, San Jose Del Monte, Bulacan.
Ayon kay PCol Monte, bandang 7:15 ng gabi naaresto ang suspek ng mga tauhan ng Regional Intelligence Division 4A, Regional Intelligence Team-Quezon, 3rd Platoon 2nd Quezon Provincial Mobile Force Company at San Jose del Monte City Police Station sa bisa ng Warrant of Arrest sa kasong Rape na walang kaukulang piyansa.
Ang tagumpay ng PNP laban sa mga may pagkakasala sa batas ay resulta ng pinaigting na suporta at kolaborasyon sa mamamayan upang panatilihin ang ligtas at maayos na pamayanan.
Panulat ni PEMS Joe Peter Cabugon/RPCADU4A
