Cebu City – Nagsagawa ng Outreach Program at Bisita Eskwela ang mga tauhan ng Regional Pastoral Office 7 (RPO 7) sa mga estudyante ng Pardo Elementary School sa A. Gubaya St., Poblacion Pardo, Cebu City nito lamang umaga ng Lunes, Nobyembre 28, 2022.
Ang aktibidad ay pinangunahan ni Police Captain Rogen Leyson, Officer-In-Charge ng RPO7 katuwang ang Regional Police Community Affairs and Development Unit 7 sa pangunguna ni Police Lieutenant Colonel Leoncio Baliguat Jr., Officer-In-Charge, kasama ang parent brigade, faculty at staff ng naturang paaralan.
Kabilang sa mga naging kaganapan sa naturang aktibidad ay ang pagbibigkas ng panatang makabata na sinundan ng pamamahagi ng mga food packs at school supplies para sa mga Grade 1 na estudyante ng Pardo Elementary School bilang pakiisa sa pagdiriwang ng National Children’s Month na may temang: “Kalusugan, Kaisipan, at Kapakanan ng Bawat Bata Ating Tutukan”.
Mababakas naman sa mga mukha ang labis na saya at pasasalamat ng mga estudyanteng nakatanggap sa munting handog ng ating kapulisan.
Alinsunod sa peace and security framework ng PNP na M+K+K=K o (Malasakit, Kaayusan, at Kapayapaan Tungo sa Kaunlaran), at sa ilalim ng Programang KASIMBAYANAN (Kapulisan, Simbahan at Pamayanan), hangad ng aktibidad na maipadama ang may malasakit na serbisyo ng ating kapulisan kasabay ng pagpapanatili ng kaayusan at kaligtasan ng mamamayan.
