Ermita, Cebu City – Nagsagawa ng Community Outreach Program ang mga tauhan ng Cebu City Police Office sa Freedom Park, Barangay Ermita, Cebu City nito lamang Martes, ika-29 ng Nobyembre 2022.
Pinangunahan ng City Director ng Cebu City Police Office na si Police Colonel Ireneo Dalogdog ang naturang aktididad katuwang si Police Lieutenant Colonel Dexter Maleza Calacar, Force Commander ng CMFC, at United Continental Eagles Club.
Tinatayang nasa 150 na packed meals ang naipamahagi ng naturang grupo sa mga bata na masayang naglalaro sa Freedom Park.
Tuwa at pasasalamat naman ang naging sukli ng mga bata dahil sa handog na pagkain at pagkalinga ng mga kapulisan ng CCPO.
Ito ay sa ilalim ng peace and security framework ng PNP na M+K+K=K o Malasakit, Kaayusan, at Kapayapaan tungo sa Kaunlaran,” ang programa ay bilang pagtupad sa mandato na pagyamanin ang maayos na relasyon ng Kapulisan, Simbahan at Pamayanan tungo sa isang maayos, ligtas at mapayapang pamayanan.
Ang ganitong aktibidad ay nagpapakita lamang ng dedikasyon ng ating mga kapulisan na maibigay ang kaginhawaan at kaunlaran sa bawat mamamayan partikular na sa mga bata sa ating lipunan.
