Batangas – Tinatayang Php680,000 halaga ng shabu ang nasabat sa isang High Value Individual sa ikinasang buy-bust operation ng mga tauhan ng Sto. Tomas PNP nito lamang Martes, Nobyembre 29, 2022.
Kinilala ni Police Colonel Pedro Soliba, Provincial Director ng Batangas Police Provincial Office, ang suspek na si alyas “Rima”, 37, residente ng Brgy. Bucal, Calamba City, Laguna.
Ayon kay PCol Soliba, bandang 1:15 ng umaga naaresto ang suspek sa Brgy. Poblacion 2, Sto Tomas City, Batangas ng mga operatiba ng Sto. Tomas Municipal Police Station.
Narekober sa suspek ang 100 gramo ng hinihinalang shabu na nagkakahalaga ng nasa Php680,000 at buy-bust money.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Sto. Tomas PNP ay patuloy ang pagsugpo sa ilegal na droga at iba pang uri ng kriminalidad upang mapanatili ang kaayusan at katahimikan sa komunidad.
