Basilan – Nakiisa ang Lamitan City Police Station sa isinagawang paglulunsad ng anti-illegal drugs advocacy program na pinamagatang “Buhay ay Ingatan, Droga’y Ayawan” sa Lamitan City, Basilan nito lamang ika-27 ng Nobyembre 2022.
Ang naturang programa ay pinangunahan ng City Government ng Lamitan katuwang ang Local Government Units, National Government Agencies at iba pang sektor ng lipunan na naglalayong mawala ang ilegal na droga sa kanilang komunidad.
Nagsimula ang programa sa Color Fun Run at Hataw-Zumba na kaugnay din ng selebrasyon sa Mindanao Week of Peace 2022 at National Children’s Month 2022.
Naging tampok sa programa ang Pledge of Commitment at Signing of Covenant na kung saan ang mga kalahok ay nangangako na susuportahan ang programa na naglalayong matapos na ang problema sa ilegal na droga sa kanilang komunidad.
Samantala, ang Pambansang Pulisya ng Pilipinas ay patuloy na makikiisa at susuporta sa mga programa na naglalayong matigil ang problema sa ilegal na droga sa komunidad at upang mapanatili ang kapayapaan at kaayusan sa ating bansa.
Panulat ni Patrolman Charlie Nasroden Corpuz
