Pasay City – Arestado ang isang pasahero mula sa Bangkok sa North Wing, International Arrival Area, NAIA Terminal 2, Pasay City nito lamang ika-28 ng Nobyembre 2022.
Ayon kay PCol Anthony Aberin, Director ng AVSEGroup, naaresto ang nasabing pasahero sa bisa ng Warrant of Arrest sa kasong paglabag sa Batas Pambansa Bilang 22 o Bouncing Check Law.
Ayon pa kay PCol Aberin, naaresto ang nasabing pasahero ng mga operatiba ng AVSEU NCR-AVSEGroup, Detective Special Operation Unitz Airport Police Department at Criminal Investigation and Detection Group.
Ang naaresto ay agad dinala sa NAIA Police Station 2 para sa dokumentasyon at kalaunan ay itinurn-over sa Detective Special Operation Unit, Criminal Investigation and Detection Group para sa kaukulang disposisyon.
Ang pagkakadakip sa suspek ay isang solidong patunay sa mabilis at epektibong aksyon ng Pambansang Pulisya upang mapanagot ang mga personalidad na may pagkakasala sa batas.
