Quezon City – Opisyal nang inilunsad ng Department of Interior and Local Government (DILG) ang BIDA program o Buhay Ingatan, Droga’y Iwasan, kaisa ang Philippine National Police (PNP) at iba’t ibang organisasyon at religious groups kasabay ng Monday Flag Raising Ceremony sa PNP National Headquarters, Camp Crame, Quezon City.
Pinangunahan ni USEC. Oscar F. Valenzuela, Undersecretary for Peace and Order ng DILG, na humalili sa kalihim ng Kagawaran na si Sec. Benjamin “Benhur” Abalos, Jr. kasama si Officer-In-Charge, PNP na si Police Lieutenant General Rhodel O. Sermonia at USEC. Gilberto DC Cruz, Undersecretary ng Dangerous Drugs Boards.
Kasabay ng naturang programa ang paggawad ng pagkilala at medalya sa mga miyembro ng PNP na nagpakita ng katangi-tanging pagganap sa kanilang sinumpaang tungkulin.
Kaisa at aktibong susuportahan ng Pambansang Pulisya ng Pilipinas ang mga programang magbibigay ng kasagutan sa suliraning panglipunan na kinasasangkutan ng droga kasama ang bawat sektor ng lipunan at bawat tanggapan ng pamahalaan tungo sa isang bansang maunlad at mapayapang mamamayan.
