Eastern Samar – Arestado ng mga tauhan ng Maydolong Municipal Police Station ang isang drug suspect sa isinagawang Anti-illegal Drugs Operation sa Brgy. Maybocog, Maydolong, Eastern Samar nitong Biyernes, Nobyembre 25, 2022.
Kinilala ni Police Lieutenant Michael Duane Relano, Officer-In-charge ng Maydolong MPS, ang naaresto na si alyas “Val”, 38, walang trabaho at residente ng Brgy. Maybocog, Maydolong, Eastern Samar.
Ayon kay PLt Relano, naaresto ang suspek bandang 11:45 ng tanghali ng mga operatiba ng Maydolong Municipal Drug Enforcement Unit, Eastern Samar PPO – Provincial Drug Enforcement Unit at sa koordinasyon ng Philippine Drug Enforcement Agency Regional Office 8.
Nakumpiska mula sa suspek ang limang pirasong heat-sealed transparent plastic sachet na naglalaman ng pinaghihinalang shabu, buy-bust money at iba pang drug paraphernalia.
Ang naaresto ay mahaharap sa kasong paglabag sa Section 5, 11 at 12 ng Article II ng Republic Act 9165 o Comprehensive Dangerous Drugs Act of 2002.
Nanawagan naman ang PNP-PDEA 8 sa komunidad na makipagtulungan sa mga otoridad at isuplong ang sinumang nagtutulak ng droga sa bawat barangay para makamit ang kapayapaan at kaayusan tungo sa kaunlaran sa rehiyon.
“Dito sa Region 8, gusto ng Pulis Safe ka!”
