Zamboanga City – Arestado ang isang lalaki sa kasong 2 Counts of Rape at 2 Counts of Lascivious Conduct sa isinagawang Law Enforcement Operation ng Zamboanga City PNP at Regional Mobile Force Battalion 9 sa Purok 6, Sitio Anuling Brgy. Pamucutan, Zamboanga City nito lamang Huwebes, Nobyembre 24, 2022.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si alyas “Ernie”, 43, construction worker, residente ng Purok 6, Sitio Anuling Brgy. Pamucutan Zamboanga City.
Ayon kay PCol Lorenzo, bandang 10:03 ng umaga nang naaresto ang suspek sa kanyang tirahan ng mga operatiba ng Zamboanga City Police Station 9, City Intelligence Unit ng Zamboanga City Police Office at 904th Regional Mobile Force Battalion 9.
Ayon pa kay PCol Lorenzo, naaresto ang suspek sa bisa ng Warrant of Arrest sa kasong 2 Counts of Lascivious Conduct na may kaukulang piyansa na Php200,000 at 2 Counts of Rape through Sexual Assault na walang inirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
