Cagayan de Oro City – Tinatayang Php340,000 halaga ng shabu ang nakumpiska sa dalawang suspek sa ikinasang buy-bust operation ng mga awtoridad nito lamang Huwebes, Nobyembre 24, 2022.
Kinilala ni Police Colonel Aaron Mandia, City Director ng Cagayan de Oro City Police Office, ang dalawang suspek na sina alyas “Sybil” at alyas “Rio”, pawang residente ng Purok 5, Brgy. Gusa, Cagayan de Oro City.
Ayon kay PCol Mandia, naaresto ang dalawang suspek sa Purok 5, Brgy. Gusa, Cagayan de Oro City ng mga operatiba ng Philippine Drug Enforcement Agency 10 at Regional Intelligence Unit 10.
Nasa 50 gramo ang nakumpiskang shabu sa naturang operasyon na nagkakahalaga ng Php340,000.
Nahaharap ang dalawang suspek sa kasong paglabag sa R.A. 9165 o Comprehensive Dangerous Drugs Act of 2002.
Patuloy ang Pambansang Pulisya sa paglaban kontra ilegal na droga katuwang ang ibang ahensya ng pamahalaan para mas mapanatili ang kaayusan at kapayapaan ng Rehiyon 10.
Panulat ni Patrolman Joshua Fajardo/RPCADU 10
