Cebu City – Arestado sa buy-bust operation ng Cebu City PNP ang dalawang tulak ng droga kasabay ng pagkakasabat ng Php2.7 milyong halaga ng shabu nito lamang gabi ng Huwebes, Nobyembre 24, 2022.
Kinilala ni Police Colonel Ireneo Dalogdog, City Director ng Cebu City Police Office, ang mga suspek na sina alyas “Dodong”, 28, kabilang sa High Value Individual (HVI) Regional Level at alyas “Glan”, 26, parehong residente ng 112K Spolarium St., Brgy. Duljo Fatima, Cebu City.
Ayon kay PCol Dalogdog, ikinasa ang operasyon bandang 10:30 ng gabi sa B. Aranas St., Brgy. San Nicolas Proper, Cebu City ng mga operatiba ng City Intelligence Unit, CCPO sa pangunguna ni Police Lieutenant Colonel Allan Madrid Rosario at mga tauhan ng Police Station 6, CCPO.
Nakuha sa mga suspek ang tinatayang 505 gramo ng hinihinalang shabu na may Standard Drug Price na Php2,754,000, isang sling bag, cigarette pack at buy-bust money.
Kasong paglabag sa RA 9165 o ang Comprehensive Dangerous Drugs Act of 2002 ang kakaharapin ng dalawang suspek.
Pinuri ni PCol Dalogdog ang naging matagumpay na operasyon ng mga tauhan at tiniyak na ang mga kapulisan ng Cebu CPO ay lalong magsisigasig upang mahuli ang mga taong patuloy na tumatangkilik at nagbebenta ng ilegal na droga.
