Valencia, Negros Oriental – Matagumpay ang isinagawang Community Outreach Program ng mga tauhan ng Valencia Police Station, NOPPO sa Brgy. Dobdob, Valencia, Negros Oriental nito lamang Miyerkules, Nobyembre 23, 2022.
Pinangunahan ng Police Community Affairs Team ng naturang istasyon sa pangangasiwa ni Police Major Roger Quijano, Chief of Police, katuwang ang Local Government Unit ng Valencia, Rural Health Unit at Department of the Interior and Local Government.
Sa naturang aktibidad, naghatid ang mga grupo ng food packs na siyang ipapamahagi para sa mga residente ng Brgy. Dobdob, Valencia na nakakaranas ng kagipitan dulot ng pandemya at krisis na ating kinakaharap.
Sa ilalim ng peace and security framework ng PNP na 𝐌+𝐊+𝐊=𝐊 o 𝐌alasakit, 𝐊aayusan, at 𝐊apayapaan tungo sa 𝐊aunlaran”, ang programa ay bilang pagtupad sa mandato na pagyamanin ang maayos na relasyon ng Kapulisan, Simbahan at Pamayanan tungo sa isang maayos, ligtas at mapayapang pamayanan.
Patuloy na maghahatid ng tulong ang ating kapulisan katuwang ang mga iba’t ibang grupo na handang tumulong para sa ating mga kababayan na higit na nangangailangan lalo na sa mga panahon ng kalamidad at sakuna.
