Pilar, Bohol – Nagsagawa ng Project B.E.S. o “Bisita Eskwela, I am Strong” ang Pilar PNP sa mga mag-aaral ng Virgen Del Pilar Academy sa Poblacion, Pilar, Bohol nito lamang Miyerkules, ika -23 ng Nobyembre 2022.
Sa naturang aktibidad ay nagbigay ang mga tauhan ng Pilar Police Station, BPPO sa pangangasiwa ni Police Lieutenant Georgie Tapang Sarabosing, Chief of Police ng mga kagamitang bola ng basketball at volleyball para sa mga estudyante na kanilang magagamit sa gaganaping Intramurals 2022 ng Virgen Del Pilar Academy.
Katuwang ang mga faculty at staff ng naturang paaralan, matagumpay na naisakatuparan ang aktibidad bilang pakikiisa sa pagdiriwang ng National Children’s Month 2022 na may temang: “Kalusugan, Kaisipan, at Kapakanan ng Bawat Bata Ating Tutukan!”.
Ang aktibidad ay naglalayon na hubugin ang mga mag-aaral na maging “STRONG” o (Smart, Talented, Responsible, Obedient, Nice and God Fearing).
Hangad ng Pilar PNP na mailapit sa estudyante ang serbisyo ng kapulisan na may “malasakit” at maipadama sa mga ito ang tunay at tapat na pagmamahal ng buong hanay ng Pambansang Pulisya sa bawat mamamayan at mag-aaral ng naturang lungsod.
