Panglao, Bohol – Pinangunahan ng mga tauhan ng Bohol Maritime Police Station ang Coastal Clean-up Drive sa Looc Bay, Panglao, Bohol nito lamang ika-23 ng Nobyembre 2022.
Ito ay sa pangunguna ni Police Staff Sergeant Jesson Gutual, sa direktang pangangasiwa ni Police Captain Stephen Boniba, Station Chief, katuwang ang mga tauhan ng AVSEU-Bohol, EOD K9-Bohol, Bantay Dagat, Christ Healer Member, Criminology Interns ng Bohol International College at SOS Members.
Tulong-tulong ang mga nasabing grupo kung saan sila ay nakakalap ng 10 sako ng iba’t ibang klase ng basura kagaya ng plastic, Styrofoam, lampin, tasa at bote sa nasabing lugar.
Ang Maritime PNP ay patuloy na sumusuporta sa anumang uri ng aktibidad na may kaugnayan sa pangangalaga ng kalikasan na nakaangkla sa Core Values na “Makakalikasan” at PNP Revitalized KASIMBAYANAN na naglalayong palakasin ang ugnayan ng komunidad at PNP sa pagbuo ng isang mapayapa at ligtas na pamayanan.
Panulat ni Patrolwoman Jenilyn Consul
