Tabuk City, Kalinga – Nagsagawa ng Community Outreach Program ang Kalinga PNP sa mga mag-aaral ng Cabaruan Elementary School, Brgy. Cabaruan, Tabuk City, Kalinga nito lamang ika-23 ng Nobyembre 2022.
Pinangunahan ng Hepe ng Provincial Community Affairs and Development Unit na si Police Lieutenant Colonel Jeffrey Vicente sa ilalim ng liderato ni Police Colonel Charles Domallig, Provincial Director ng Kalinga Police Provincial Office katuwang ang Medical Reserve Force (MRF)/Station Health Unit (SHU), Provincial Medical and Dental Unit (PMDU), First Kalinga Provincial Mobile Force Company, at Highway Patrol Group (HPG).
Tinatayang 272 na mag-aaral ang nakatanggap ng libreng serbisyo tulad ng dental, pamamahagi ng mga dental kits, fluoridization, at Education and Communication (IEC) materials, mga calling cards na naglalaman ng iba’t ibang emergency hotline number ng mga istasyon ng pulis at unit sa Kalinga.
Tuwa at pasasalamat naman ang naging tugon ng mga mag-aaral at guro sa tulong at serbisyong hatid ng Kalinga PNP.
Ang aktibidad ay bilang pakikiisa sa 30th National Children’s Month na may temang: “Kalusugan, Kaisipan, at Kapakanan ng Bawat Bata Ating Tutukan”, at ng ating CPNP’s peace and security framework na M+K+K=K o Malasakit, Kaayusan at Kapayapaan Tungo sa kaunlaran at ang programang KASIMBAYANAN.
Ang Pambansang Pulisya ay patuloy na magbibigay ng tulong sa ating mga kababayan lalong-lalo na sa mga kabataan na higit na nangangailangan at makapaghatid ng mga dekalidad na serbisyong nararapat para sa sambayanang Pilipino.
