Catarman, Camiguin – Nagsagawa ng Coastal/Underwater Clean-up Drive at Scubasurero ang Police Regional Office 10 sa Blue Lagoon, Lawigan, Catarman, Camiguin Province nito lamang 8:00 ng umaga ng Martes, Nobyembre 22, 2022.
Ang aktibidad ay pinangunahan ni Police Brigadier General Lawrence Coop, Regional Director ng Police Regional Office 10 kasama ang Command Group at Camiguin Police Provincial Office sa ilalim ng pamumuno ni Police Colonel Elias Hampac, Officer-In-Charge.
Sa naturang programa ay nakalikom ng sako-sakong basura mula sa dalampasigan at ilalim ng karagatan.
Ang nasabing aktibidad ay kaugnay sa “KALIGKASAN” o Kaligtasan at Kalikasan kaya ang Police Regional Office 10 ay nangunguna sa pagpapanatili ng natural na ganda at yaman ng isla ng Camiguin.
Panulat ni Patrolman Joshua Fajardo/ RPCADU 10
