Banaue, Ifugao – Ipinamalas ng 2nd Ifugao Provincial Mobile Force Company ang bayanihan sa Sitio Ibayong, Bocos, Banaue, Ifugao nito lamang ika-22 ng Nobyembre 2022.
Pinangunahan ng mga tauhan ng 2nd Ifugao Provincial Mobile Force Company sa pamumuno ni Police Lieutenant Colonel Ayson Tenenan katuwang ang mga residente ng nasabing lugar.
Ang mga nasabing grupo ay nagtulong-tulong sa pamamagitan ng pagbubuhat, paghahalo at pagbubuhos ng semento.
Ang aktibidad na ito ay naglalayong patatagin at palakasin ang pagtutulungan ng mamamayan, komunidad at kapulisan.
Patunay lamang ito na ang Pambansang Pulisya ay handang tumulong anumang oras tungo sa kaunlaran, kapayapaan at magandang kinabukasan.
