Bilang pagtalima sa paglulunsad ng Simultaneous Coastal Clean-up Drive ay isinagawa ng mga miyembro ng Dumaguete City Maritime Police Station (MARPSTA) ang naturang aktibidad sa Brgy. Banilad, Dumaguete City, Negros Oriental nito lamang ika-22 ng Nobyembre 2022.
Ang aktibidad ay pinangunahan ni Police Corporal Lolito Capon Jr sa pangangasiwa ni Police Captain Cresanto Niñal, Station Chief, katuwang ang mga miyembro ng DUCIBAFAS at Bantay Dagat.
Kasabay ng pagkakalinis ng naturang lugar ay nalikom ng grupo ang nasa 10 sako ng basura kabilang na rito ang plastic bottle, plastic wrapper, lata at iba.
Kaugnay ng matagumpay na pagsasakatuparan ng programa, hinimok at muling pinaalalahanan ng grupo ang mga residente sa lugar na maging responsable sa kanilang mga basura upang mapanatili ang kaayusan at kagandahan ng kapaligiran at maging ang kaligtasan ng mamamayan.
