Cebu City – Nasabat ang mahigit Php12 milyong halaga ng shabu ng Police Station 7 ng Cebu City Police Office sa dalawang drug suspek sa Brgy. Inayawan, Cebu City nito lamang Martes, Nobyembre 22, 2022.
Kinilala ni Police Major Remon Jake Aguho, Station Commander ng Police Station 7, CCPO, ang mga suspek na kinilalang sina alyas “Kevin” at “Jessie” mula sa Sitio Paula Maria, Brgy. Inayawan, Cebu City.
Ayon kay Police Major Aguho, kabilang sa mga nasamsam sa mga suspek ang nasa 1.805 kilo ng shabu na may Standard Drug Price na Php12,274,000 at buy-bust money.
Ang mga suspek ay nahaharap sa kasong paglabag sa Sec 5 at 11 Art. II ng RA 9165 o ang Comprehensive Dangerous Drugs Act of 2002.
Pinuri naman ni Police Colonel Ireneo Dalogdog, City Director ng CCPO ang mga operatiba ng PS7 para sa kanilang walang humpay na pagsusumikap upang labanan ang problema sa ilegal na droga at iba’t ibang uri ng kriminalidad sa lugar.
Kasabay nito, hinikayat niya ang grupo na ipagpatuloy ang mahusay na pagpapaigting sa mga operasyon ng PNP para mapanatili ang kaligtasan at kaayusan ng publiko.
