Nagsagawa ng Community Outreach Program ang mga tauhan ng Anilao Munipal Police Station kasama ang Philippine Army sa mga katutubo ng Purok Gines, Sitio Balabagon, Brgy. Badiang, Anilao, Iloilo nito lamang ika-20 ng Nobyembre 2022.
Bahagi ng programa ang feeding activity, pamimigay ng mga regalo na naglalaman ng bigas at iba pa, isa din sa naging mahalagang parte ng programa ang pagtatayo ng isang bulwagan gamit ang kawayan at tabla para sa mga katutubo upang may magamit sa anumang pagtitipon o pagpupulong sa tuwing may mga programang isasagawa para sa ating mga katutubo.
Ang naturang bulwagan ay pinagtulungang itinayo ng mga tauhan ng Anilao MPS sa pangangasiwa ni Police Lieutenant Jersey Besas, COP, kasama ang Phil. Army sa pangunguna ni Major Nelpe D Quioco PA, 33rd CMO Coy, 3CMOBn, 3ID at Kultura Kusog Ko Inc., sa pangunguna naman ni Ms. Johna Guadalupe lI.
Ang aktibidad ay naglalayong magbigay ng mga pangunahing pangangailangan ng komunidad at pagbabahagi ng ating mga biyaya sa ating mga kababayan lalo sa ating mga katutubo na higit na nangangailangan.
Isa din ito sa mga paraan upang maipakita ang pagkakaisa at diwa ng bayanihan sa iba’t ibang sektor para sa isang matibay na ugnayan ng komunidad at pulisya.
Patuloy na magbibigay ng tapat na serbisyo ang ating kapulisan para sa ating mamamayan upang mapanatili ang kaayusan, kapayapaan tungo sa kaunlaran ng ating bansa.
