Batangas — Nakiisa ang kapulisan ng Regional Mobile Force Battalion sa isinagawang Project Green for Peace Mangrove Planting na ginanap sa Barangay Lagadlarin, Lobo, Batangas nito lamang Linggo, Nobyembre 20, 2022.
Ang aktibidad ay personal na pinangunahan ni Police Colonel Jonathan Calixto, Acting Force Commander ng RMFB-NCRPO kasama si Police Lieutenant Colonel Agosto Asuncion, Force Commander RMFB 4A katuwang ang Rotary Club of Makati Poblacion at District 3820 na Rotarians at sponsors.
Mahigit 2,000 piraso ng mangrove tree ang naitanim sa naturang lugar.
Ang mga punong naitanim ang siyang tumutulong upang mabigyan ng proteksyon sa ating kapaligiran upang labanan ang pagguho ng lupa pagtapos ng mga sakuna. Nakakatulong din ito sa muling pagkarga ng suplay ng tubig sa lupa, upang maiwasan ang pagdadala ng mga kemikal sa mga sapa gayundin upang maiwasan ang pagbaha sa nasabing lugar.
Isa ito sa core values ng Pambansang Pulisya na “Pulis Makakalikasan”, na tumutugon sa pagprotekta sa kapaligiran upang magkaroon ng malinis na hangin at makapagdulot ng magandang epekto sa kalusugan ng tao.
Source: RMFB NCRPO
Panulat ni PSSg Remelin M Gargantos
