Mandaue City, Cebu – Timbog ang isang High Value Individual na drug suspek sa Cebu matapos makuhanan ng tinatayang nasa Php751,060 na halaga ng shabu sa ikinasang buy-bust operation ng mga operatiba ng Mandaue City Police Office (MCPO) noong Sabado, Nobyembre 19, 2022.
Kinilala ni Police Colonel Jeffrey T Caballes, City Director ng MCPO ang suspek na si alyas “Batman”, 25, ay naaresto dakong alas-4:00 ng umaga ng mga miyembro ng Police Station 3, MCPO sa Barangay Paknaan, Mandaue City.
Ayon kay Police Colonel Caballes, ang suspek ay nakapaloob sa talaan ng HVI sa lugar.
Kabilang sa mga nasamsam mula sa suspek ay ang 110.45 gramo ng hinihinalang shabu na may Standard Drug Price na Php751,060, isang belt bag, at buy-bust money.
Nahaharap ang suspek sa kasong paglabag sa Sec. 5 at 11, Art II ng RA 9165 o ang Comprehensive Dangerous Drugs Act of 2002.
Tiniyak naman ng Mandaue City Police Office na ang maayos at matagumpay na kampanya kontra ilegal na droga at maging sa lahat ng uri ng kriminalidad ay kanila pang paiigtingin at pag-iibayuhin para sa mas maayos, ligtas at mapayapang komunidad.
