Capiz – Arestado ang Top 9 High Value Individual sa isinagawang PNP buy-bust operation sa Brgy. Tanza Norte, Panay, Capiz nito lamang ika-19 ng Nobyembre 2022.
Kinilala ni Police Lieutenant Colonel Antonio Benetiz Jr., Hepe ng RPDEU 6, ang suspek na si Rodil Isiderio y Atrohenio, Top 9 High Value Individual, alyas “Rodel”, 28, residente ng Brgy. Talon, Roxas City, Capiz na kasalukuyang nakatira sa Brgy. Mongpong Roxas City, Capiz.
Nadakip ang suspek bandang 07:45 ng gabi sa pinagsanib na pwersa ng Regional Police Drug Enforcement Unit 6, Provincial Drug Enforcement Unit 6, Panay Municipal Police Station at sa koordinasyon ng Philippine Drug Enforcement Agency.
Ayon kay PLtCol Benetiz Jr., nakumpiska sa suspek ang isang piraso ng android cellular phone, isang piraso ng checkered pouch, 24 na piraso ng heat-sealed transparent plastic sachet na naglalaman ng hinihinalang shabu kasama ang buy-bust item na may kabuuang timbang na 130 grams na nagkakahalaga ng Php884,000 at iba pang mga kagamitan.
Ang Capiz PNP ay patuloy sa pagsugpo sa lahat ng uri ng kriminalidad upang mapanatili ang kaayusan at katahimikan sa kanilang nasasakupan.
