Zamboanga Sibugay – Arestado ang dalawang lalaki sa isinagawang Oplan Pagtugis ng PNP Criminal Investigation and Detection Group 9 nito lamang Sabado, Nobyembre 19, 2022.
Kinilala ni Police Lieutenant Benjie Tundayag, Officer-In-Charge, Criminal Investigation and Detection Group, Zamboanga Sibugay Provincial Field Unit, ang dalawang suspek na sina alyas “Lalang”, 23 at alyas “Jemar”, 27, may-asawa at kapwa residente ng Purok C, Brgy. Salip Yasin, Kabasalan, Zamboanga Sibugay.
Ayon kay PLt Tundayag, bandang 10:01 ng gabi nang naaresto ang dalawang suspek sa Brgy. Sanito, Ipil Zamboanga Sibugay ng mga operatiba ng PNP Criminal Investigation and Detection Group Zamboanga Sibugay Provincial Field Unit sa bisa ng Warrant of Arrest sa kasong Robbery na may kaukulang piyansa na Php100,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
