Lantapan, Bukidnon – Walang pag-aatubiling tinulungan ng mga miyembro ng Revitalized Pulis sa Barangay Cluster 1 ng 1004th Maneuver Company, Regional Mobile Force Battalion 10, ang pagkukumpuni ng sirang bahay ng isang Person with Disability (PWD) sa P1A Bantuanon, Lantapan, Bukidnon nito lamang ika-17 ng Nobyembre 2022.
Ayon kay Police Colonel Reynante Reyes, Provincial Director ng Bukidnon Police Provincial Office, ang pagmamalasakit at pagtulong ng ating mga miyembro ng 1004th Maneuver Company, RMFB 10 ay pinangunahan ni Police Staff Sergeant Jeomar Bacus, R-PSB Cluster 1 na nakatalaga sa naturang barangay.
Dagdag pa ni PCol Reyes, walang pag-iimbot na tinulungan at agad na kinumpuni ang sirang bahay ng ating kababayan na isang PWD.
Pinatibay ang pundasyon ng bahay at tumulong sa pagkakabit ng yero ang ating mga pulis na tunay na may malasakit.
Ito ay paraan ng 1004th Maneuver Company, RMFB 10 upang mas mapagtibay ang ugnayan ng PNP tungo sa hinahangad na kaayusan, kapayapaan tungo sa kaunlaran ng ating komunidad.
Panulat ni Patrolman Nicole Villanueva/RPCADU 10
