NAIA Terminal 3, Pasay City – Tagumpay na naaresto ang isang suspek sa kasong Frustrated Murder sa joint operation na inilunsad ng PNP sa NAIA Terminal 3, Pasay City noong Martes, Nobyembre 15, 2022.
Ayon kay PCol Anthony Aberin, Acting Director, AVSEGROUP, nadakip ang suspek bandang 11:00 ng umaga ng mga operatiba ng PNP AVSEGROUP, Regional Maritime Unit (RMU) 12 at Regional Maritime Unit (RMU) NCR sa bisa ng Warrant of Arrest sa kasong Frustrated Murder nang dumating ito sa NAIA Terminal 3, Pasay City.
Ang akusado ay kasalukuyang nasa kostudiya ng Regional Maritime Unit NCR para sa tamang disposisyon at para sa mga karagdagang imbestigasyon kaugnay sa kasong isinampa laban dito.
Tiniyak naman ng kapulisan sa lungsod ang mas pinahusay at pinaigting na pagpapatupad ng grupo ng kanilang tungkulin upang hulihin at mabigyan ng hustisya ang mga naging biktima ng mga karahasan at masiguro ang kaayusan, kaligtasan, at kapayapaan ng komunidad.
