Candon, Ilocos Sur – Arestado ang Top 1 City Most Wanted Person sa ikinasang Manhunt Charlie Operation ng mga operatiba ng Ilocos Sur Police Provincial Office sa Candon City, Ilocos Sur nitong ika-17 ng Nobyembre, 2022.
Kinilala ni Police Lieutenant Colonel Jessie Balinang, Office-In-Charge ng Candon City Police Station, ang suspek na si alyas “Jun”, 42, residente ng Brgy. Allangigan 1st, Candon City, Ilocos Sur.
Ayon kay PLtCol Balinang, naaresto ang suspek sa bisa ng Warrant of Arrest sa kasong 2 Counts of Violation of Anti-Child Abuse Law na walang inirekomendang piyansa.
Ayon pa kay PLtCol Balinang, naaresto ang suspek bandang 11:35 ng umaga sa kanyang tinitirhan ng mga pinagsanib na tauhan ng Candon City Police Station, Ilocos Sur 2nd District EOD-Canine Unit at 2nd Ilocos Sur Provincial Mobile Force Company.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Candon City Police Station
Panulat ni PSSg Bader Ceasar B. Ayco
