Kakaibang serbisyo ang inihahatid ng Peñablanca Police Station sa kanilang mga walk-in clients na hinandugan ng libreng kape ang dalawang indibidwal na nagtungo sa istasyon sa Peñablanca, Cagayan nitong Nobyembre 15, 2022.
Ayon kay Police Major Harold Ocfemia, Hepe ng naturang istasyon, ang aktibidad ay ayon sa kanilang best practice na Project KAPEñablanca o Keeping All Peñablancaños Entitled to fair Police Service.
Layon ng proyekto na ipadama sa bawat indibidwal na nagtutungo sa kanilang opisina ang patas na serbisyo ano man ang antas ng kanilang pamumuhay.
Kinagigiliwan naman ito ng publiko kaya’t may mga stakeholders pa na nagpaabot ng donasyon bilang pagsuporta sa proyekto.
Pasasalamat naman ang hatid ng buong hanay ng Peñablanca PS sapagkat malakas ang suporta at pakikiisa ng mga residente sa kanilang lugar upang mapanatili ang katahimikan at kaayusan ng kanilang bayan.
Source:Peñablanca PS
Panulat ni Police Corporal Carla Mae P Canapi
