Bacolod City – Arestado ang isang babae sa isinagawang buy-bust operation ng City Drug Enforcement Unit ng Bacolod City Police Office sa Purok Ylac, Brgy. 1, Bacolod City nito lamang ika-16 ng Nobyembre, 2022.
Kinilala ni Police Lieutenant Joven Mogato, Hepe ng CDEU-BCPO ang subject person na si alyas “Love”, 33, residente ng Prk. Ylac, Brgy. 1, Bacolod City.
Ayon kay PLt Mogato, naaresto ang suspek matapos magbenta sa isang police poseur buyer ng isang heat-sealed transparent plastic sachet na naglalaman ng hinihinalang shabu kapalit ng Php2,000 bill.
Dagdag pa ni PLt Mogato, narekober din mula sa subject person ang isang piraso ng brown sling bag na naglalaman ng 17 na heat-sealed transparent plastic sachet na naglalaman ng hinihinalang shabu, isang Php500 bill, at ang buy-bust money na may timbang na 51 gramo na nagkakahalaga ng Php346,800.
Ang suspek ay nahaharap kasong paglabag sa Section 5 at 11 Article II ng RA 9165 o ang Comprehensive Dangerous Drugs Act of 2002.
Ang Bacolod City PNP ay patuloy sa pagsugpo sa lahat ng uri ng kriminalidad upang mapanatili ang kaayusan at katahimikan sa kanilang nasasakupan.
