Paracale, Camarines Norte – Arestado ang isang lalaki na may kasong Rape ng Paracale PNP at Sipocot PNP sa Purok 6, Barangay Bagumbayan, Paracale, Camarines Norte nito lamang Miyerkules, Nobyembre 16, 2022.
Kinilala ni Police Major Fernand Segundo, Chief of Police ng Paracale Municipal Police Station, ang suspek na alyas “Noy”, 47, binata, minero at residente ng nasabing lugar.
Ayon kay PMaj Segundo, naaresto ang akusado sa bisa ng Warrant of Arrest ng pinagsanib na tauhan ng Paracale MPS at Sipocot MPS para sa kasong Rape ng Revised Penal Code Article 266-A at walang rekomendadong piyansa.
Ayon pa kay PMaj Segundo, habang isinisilbi ang Warrant of Arrest at siya ay sinisiyasat ay nakumpiska sa kanya ang isang improvised shotgun (sumpak) at tatlong bala.
Ang Pambansang Pulisya ay patuloy na magsasagawa ng ganitong operasyon laban sa mga taong nagtatago sa batas upang mabigyan ng hustisya ang mga kababaihan na naging biktima ng ganitong karahasan.
Source: Camarines Norte PPO
Panulat ni Pat Jomar Danao
