Libon, Albay – Naghandog ng maagang pamasko ang mga tauhan ng 505th Maneuver Company ng Regional Mobile Force Battalion 5 sa magkakapatid na may Cerebral Palsy sa Barangay Macabugos, Libon, Albay noong Nobyembre 17, 2022.
Sa pamumuno ni Police Captain Alvin Nuguid, Officer-In-Charge, tinungo ng mga kapulisan ang tahanan ng tatlong magkakapatid na may cerebral palsy na edad walong taon gulang at ang kambal na tatlong taong gulang upang maghandog ng isang sakong bigas at grocery packs na naglalaman ng mga delata, gatas at mga biscuits.
Layunin ng aktibidad na ito na makapagbigay ng simpleng tulong at mapagaan kahit papano ang kabuhayan ng pamilya na kumukuha lamang ng kanilang ikinabubuhay sa pamamagitan ng pangingisda.
Bukod dito sinisiguro din ng grupo na hindi ito ang huling tulong na ibibigay nila sa pamilya bagkus ito’y panimula pa lamang.
Ang PNP ay patuloy na pagmamalasakit at pag-aabot ng tulong sa ating mga kababayan na nangangailangan para maipadama na ang ating kapulisan ay laging kaagapay ng ating komunidad.
Source: 505th Maneuver Company
Panulat ni PCpl Angelli A Torrecampo
