Kalibo, Aklan – Malugod na naisagawa ang Clean-up Drive at De-Clogging sa Brgy. Mabilo, Aklan nito lamang Nobyembre 16, 2022.
Ang aktibidad ay pinangunahan ng mga miyembro ng Kalibo Airport Police Station Personnel, SOU SRT at EOD/K9 sa pangangasiwa ni Police Lieutenant Marvin Quinones, Platoon Leader na direktang pinamumunuan ni Police Major Renier V Doliente, Station Chief katuwang ang Barangay-based Advocacy Support Group.
Naging matagumpay ang aktibidad sapagkat mas nalinis at mas naging kaaya-aya ang kapaligiran at baybayin sa naturang barangay.
Ang naging hakbangin ng mga nabanggit na grupo ay sumasalamin lamang sa iisang kagustuhan ng Pambansang Pulisya katuwang ang iba’t ibang Advocacy Support Groups na mapanatili at mapayabong ang ating kalikasan maging ang mga baybaying dagat na siya nating pangunahing pinagkukunan ng kabuhayan na isa sa susi upang makamit ang kaunlaran ng ating lipunan.
