Cagayan de Oro City – Nagsagawa ng KASIMBAYANAN Fellowship and Forum with Election of Officers ang Cagayan de Oro City PNP sa Headquarters Ground, Brgy. 40, Poblacion, Cagayan de Oro City nito lamang Miyerkules, Nobyembre 16, 2022.
Ang aktibidad ay pinangunahan ni Police Colonel Aaron Mandia, City Director ng Cagayan de Oro City Police Office, kasama sina Police Captain Francisco Sabud Jr., Chief, Public Information Section, Regional Community Affairs and Development Division 10 at Station Commanders, Hepe ng mga Special Units at Cagayan de Oro City Mobile Force Company.
Sa naturang aktibidad ay nagtalaga ng mga officers ang CDO PNP para sa Organized Life Coaches kasama ang mga religious leader ng Islam at Kristiyano kaugnay sa programa na Revitalized PNP KASIMBAYANAN o Kapulisan, Simbahan at Pamayanan.
Ito ay nilahukan ng 56 life coaches ng mga istasyon at unit ng CDO PNP sa pangunguna ni Elected President Rev. Cristy Rodriguez at Vice-President Bishop Danny Bantilan.
Ito ay naglalayong mapagtibay ng ugnayan ng Cagayan de Oro City PNP at Religious Sectors para mapagsilbihan ang komunidad na may malasakit, ligtas at payapa na pamayanan tungo sa kaunlaran.
Panulat ni Patrolman Joshua Fajardo/RPCADU 10
